Dareemanaw

Eel lang ky dhy uuwtis mey dheegaa
lang uliy lakhy tumalahaayi gomow
Anky aalane afshey isku ed ooftis ang haayne
Eebty walaalshey ka shoobow Eenow mey teriy?
Oloodis ang roongha Eenow Aragdey?
Lang ollaadley huriyow umaty lagooyawa
Ogoon iy waayel iniin nahaany waa, Eenow aragdey?

Ana amandheera ooytang noogey athiiny iila arag
Haang uunky ang aragaaney oogany anku nahaany
Uniy Ula ang dhiibaney, yoo eedmaky lee
Amang dheera afsho ang daagow baradeng
Ehelkeen me'ey , Abliisa ka hiradeng
Yoobaa Yoobaa Ulmy kunoogdy
Anky alaang alooy taas isku afiiy

Eenow aniy Oortang yaa ang damagsana
Dareemanaw dooykang dugaaga leyaa
Dudumy lang dugaaldy damagshy mayry
Aniiny dalkey daraadys damagsnaa
Deebadd duur kajaro dowy aragy haang
Digow ma iing yara doogey ny wal deyow maleh
Lang doothang dareer shey matoosaw
Dirig dirigmaa dooyky madeeraw
Dareemanaw dooykang dugaaga leyaa

Qore: Dhaqane Yusuf Bashir